छत्रपती संभाजीनगर येथे आयोजित राज्यस्तरीय डिपेक्स–२०२६ (DIPEX – Innovation Exhibition-cum-Competition) च्या समारोप व बक्षीस वितरण सोहळ्यास उपस्थित राहण्याचा योग आला. हा उपक्रम अखिल भारतीय विद्यार्थी परिषद (ABVP), सृजन, महाराष्ट्र शासनाचा कौशल्य विकास, रोजगार, उद्योजकता व नाविन्यता विभाग आणि एम.आय.टी. छत्रपती संभाजीनगर यांच्या सहकार्याने आयोजित करण्यात आला होता. या प्रदर्शनामध्ये महाराष्ट्रातील विविध अभियांत्रिकी, पॉलिटेक्निक, आयटीआय आणि कृषी शिक्षण संस्थांमधील विद्यार्थ्यांनी सादर केलेले नाविन्यपूर्ण प्रकल्प पाहण्याची संधी मिळाली.
ऊर्जा, कृषी तंत्रज्ञान, पर्यावरण, कृत्रिम बुद्धिमत्ता, औद्योगिक ऑटोमेशन, आरोग्य तंत्रज्ञान, वेस्ट मॅनेजमेंट अशा विविध क्षेत्रांमध्ये विद्यार्थ्यांनी अत्यंत कल्पक आणि समाजोपयोगी प्रकल्प सादर केले. तरुण पिढीची जिज्ञासा, संशोधनाची वृत्ती आणि समस्यांवर उपाय शोधण्याची क्षमता पाहून भविष्याबद्दल आशा अधिक दृढ होते.
आजचा तरुण केवळ पाठ्यपुस्तकी शिक्षणापुरता मर्यादित न राहता नवोपक्रम, संशोधन आणि स्टार्टअप संस्कृतीकडे वाटचाल करत आहे, ही अत्यंत अभिमानास्पद बाब आहे. अशा व्यासपीठांमुळे विद्यार्थ्यांच्या कल्पनांना दिशा मिळते, तसेच उद्योग, संशोधन आणि समाज यांच्यातील दुवा अधिक मजबूत होतो.
या उपक्रमात सहभागी झालेल्या सर्व विद्यार्थ्यांचे, प्रकल्प मार्गदर्शक शिक्षकांचे आणि विजेत्या संघांचे मनःपूर्वक अभिनंदन.
भविष्यातील भारताच्या प्रगतीमध्ये अशा तरुण संशोधकांचा नक्कीच मोठा वाटा असेल, असा विश्वास आहे.
सर्वांना पुढील वाटचालीस हार्दिक शुभेच्छा!
